TINUBU YA KARYATA GANAWA DA GWAMNONIN DA SU KA YI WA PDP TAWAYE SU 5 A LONDON
TINUBU YA KARYATA GANAWA DA GWAMNONIN DA SU KA YI WA PDP TAWAYE SU 5 A LONDON
Dan takarar jam’iyyar APC mai mulki a Najeriya Bola Tinubu ya karyata labarin cewa ya gana da gwamnonin da su ka yi wa PDP tawaye su 5 a London.
Hakan na kunshe a sanarwa daga kakakin sa Tunde Rahman da ke nuna wasu ne kawai su ka kirkiro labarin don cimma muradun su na siyasa.
Rahman ya kara da cewa duk da haka Tinubu na da ‘yancin ganawa da duk gwamna ko kungiyar da ya yi muradi don bunkasa siyasar sa.
Shi kan sa madugun gwamnonin 5 wato gwamnan Ribas Nyesom Wike a lokacin da ya dawo Najeriya, ya musanta labarin cewa sun gana da Tinubu.
Ko sun gana ko ba su gana da Tinubu ba gwamnonin sun tabbatar da bara’ar su gad an takarar jam’iyyar su Atiku Abubakar.
Alamu na nuna PDP na shirin sa kafar wando daya da gwamnonin da ke cigaba da daukar matakan angulu da kan zabe ga jam’iyyar.
Comments
Post a Comment